बंगळुरु : रॉयल चॅलेंजर्स बंगळुरूच्या विजयी मिरवणूकी दरम्यान झालेल्या चेंगराचेंगरीबाबतचा तपास अहवाल सार्वजनिक करण्यातआला आहे. उच्च न्यायालयात सादर केलेल्या अहवालातकर्नाटक सरकारने चेंगराचेंगरीच्या दुर्घटनेला आरसीबीला जबाबदार ठरवले आहे. अहवाला कर्नाटक सरकारने म्हटले आहे की, रॉयल चॅलेंजर्स बंगळुरुने चिन्नास्वामी स्टेडियममध्ये विजयी मिरवणूकीसाठी क्रिकेटप्रेमींना पोलिसांच्या परवानगीशिवाय आमंत्रित केले होते. या चेंगराचेंगरीत ११ जणांचा मृत्यू झाला आणि ५० हून अधिक जण जखमी झाले होते. कर्नाटक उच्च न्यायालयाच्या निर्देशानंतर हा अहवाल सार्वजनिक करण्यात आला आहे. राज्य सरकारने न्यायालयाला अहवाल गुप्त ठेवण्याची विनंती केली होती. पण न्यायालयाने म्हटले आहे की, या गोपनीयतेला कोणताही कायदेशीर आधार नाही.
कर्नाटक राज्य सरकारने त्यांच्या अहवालात म्हटले आहे की, आरसीबी व्यवस्थापनाने १८ वर्षांच्या दीर्घ दुष्काळानंतर आयपीएल जिंकण्याच्या दिवशी ३ जून रोजी पोलिसांशी संपर्क साधला होता. आणि पोलिसांना संभाव्य विजयी मिरवणूकीबाबत माहिती दिली होती. अहवालात म्हटले आहे की, ही केवळ माहिती होती आणि कायद्यानुसार मागितलेली परवानगी नव्हती. पुढे असे म्हटले आहे की, अशा परवानग्या कार्यक्रमाच्या किमान सात दिवस आधी घेतल्या गेल्या पाहिजेत. अहवालात म्हटले आहे की, या प्रकरणातअर्जदार म्हणजेच आयोजकाने परवाना प्राधिकरणाकडे विहित नमुन्यात कोणताही अर्ज सादर केला नाही. विहित नमुन्यात आवश्यक माहिती नसल्यामुळेपरवाना प्राधिकरणाला विनंतीचा सकारात्मक विचार करणे शक्य नव्हते.
त्यानंतरक्यूबन पार्क पोलीस स्टेशनच्या पोलीस निरीक्षकांनी ०३.०६.२०२५ रोजी संध्याकाळी ६.३० वाजता केएससीएने केलेल्या विनंतीला परवानगी दिली नाही.कारण अंतिम सामन्याच्या संभाव्य निकालांसाठीम्हणजेच आरसीबीचा विजय किंवा पराभव, अपेक्षित गर्दी, केलेली व्यवस्था इत्यादी माहितीचा अभाव होता. पोलिसांशी सल्लामसलत न करताआरसीबीने दुसऱ्या दिवशी सकाळी ७.०१ वाजता त्यांच्या अधिकृत सोशल मीडिया हँडलवर एक फोटो पोस्ट केला. ज्यामध्ये क्रिकेटप्रेमींना मोफत प्रवेश आणि विधानसभा सौधा येथून सुरू होणाऱ्या आणि चिन्नास्वामी स्टेडियमवर संपणाऱ्या विजयी मिरवणूकीत उपस्थित राहण्याचे आमंत्रण देण्यात आले. सकाळी ८ वाजता ही माहिती पुन्हा सांगणारी आणखी एक पोस्ट करण्यात आली. अहवालात असे म्हटले आहे की, त्यानंतर, ४ जून रोजी सकाळी ८:५५ वाजताआरसीबीने संघाचा प्रमुख क्रिकेटपटू विराट कोहलीची एक व्हिडिओ क्लिप @Rcbtweets on X वर शेअर केली. त्याने म्हटले आहे की, संघ ४ जून रोजी बंगळुरू शहरातील नागरिकांसह आणि बंगळुरूमधील आरसीबी चाहत्यांसह हा विजय साजरा करू इच्छित आहे.
आरसीबीने ४ जून रोजी दुपारी ३:१४ वाजता आणखी एक पोस्ट केली. ज्यामध्ये विधान सौधा ते चिन्नास्वामी स्टेडियमपर्यंत सायंकाळी ५ ते ६ वाजेपर्यंत विजयी मिरवणूक आयोजित करण्याची घोषणा केली. या विजयी मिरवणूकीनंतर चिन्नास्वामी स्टेडियममध्ये उत्सव साजरा केला जाईल. या पोस्टमध्ये पहिल्यांदाच आणि एकमेव वेळी असे नमूद केले गेले होते की, shop.royalchallengers.com वर मोफत पासवर मर्यादित प्रवेश उपलब्ध होते. आणि आतापर्यंत पास वितरणाबद्दल कोणतीही माहिती नव्हती. याचा अर्थ असा की, आरसीबीच्या मागील पोस्टनुसार हा कार्यक्रम सर्वांसाठी खुला होता.
